Sýningarþjálfun

Upplýsingar um allar sýningarþjálfanir er að finna hér að neðan

Frá Unglingadeild.

Nú er farið að styttast í sýninguna helgina 28.febrúar - 1.mars og eins og áður verða síðustu þrjár sýningaþjálfanirnar hjá unglingadeildinni í reiðhöll Fáks í Víðidal næstu sunnudaga fram að sýningu. Það er mikilvægt að þeir sem taka þátt í sýningaþjálfununum mæti á réttum tíma.

Sunnudagarnir sem um ræðir eru sunnudagarnir 8. febrúar, 15. febrúar og 22. febrúar.
kl. 17 - 18 Ungir sýnendur
kl. 18 - 19 Tegundahópar 1, 2 og 8
kl. 19 - 20 Tegundahópar 3, 4, 6 og 9
kl. 20 - 21 Tegundahópar 5, 7 og 10

Að venju kostar hvert skipti 500kr og rennur sá peningur óskiptur til þess að styrkja keppendur Unglingadeildarinnar erlendis. En Unglingadeildin með dyggri aðstoð HRFÍ, Dýrheima og SS sendir fulltrúa á helstu sýningar erlendis. Sá ungi sýnandi sem er stigahæstur eftir árið í eldri flokk keppir á Crufts. Annar stigahæsti ungi sýnandinn í eldri flokk keppir á Heimssýningunni og þriðji stigahæsti ungisýnandinn keppir á Evrópusýningunni. Síðan fer fjögurramanna lið skipað fjórum stigahæstu ungu sýnendunum úr eldri flokk á Norðurlandakeppni ungra sýnenda.

Mikilvægt er að hafa meðferðis sýningartaum, kúkapoka og nammi eða dót fyrir hundinn.

Með vonum að sjá sem flesta,
Stjórn Unglingdeildar